Էրդողանը կմասնակցի ԲՐԻԿՍ-ի գագաթնաժողովին

Թուրքիայի նախագահ Ռեջեփ Թայիփ Էրդողանն ընդունել է ԲՐԻԿՍ-ի գագաթնաժողովին մասնակցելու հրավերը։ Այս մասին հայտնել  է Ռուսաստանի նախագահի օգնական Յուրի Ուշակովը։

Ամենամյա գագաթնաժողովն անցկացվելու է հոկտեմբերի 22-24-ը Կազանում։

Հիշեցնենք, որ վերջերս Ադրբեջանը ևս պաշտոնապես դիմել էր կազմակերպությանն անդամակցելու համար։

ԲՐԻԿՍ (անգլ.՝ BRICS — Brazil, Russia, India, China, South Africa բառերի հապավում) - ի սկզբանե հինգ երկրից կազմված խումբ, որի հիմնադիր անդամներն են Բրազիլիան, Ռուսաստանը, Հնդկաստանը, Չինաստանը և ՀԱՀ-ը: Ներկայում կազմակերպությանն անդամակցում է ևս 4 պետություն՝ Եգիպտոսը, Իրանը, Եթովպիան և Արաբական Միացյալ Էմիրությունները։