Ադրբեջանի ԶՈՒ ԳՇ պետը Իտալիայի Պնախարարի հետ քննարկել է ռազմական համագործակցությունը
Ադրբեջանի ԶՈՒ ԳՇ պետ Քերիմ Վելիևը պաշտոնական այցով այսօր մեկնել է Իտալիա։ Իտալիա կատարած պաշտոնական այցի շրջանակում նա հանդիպել է Իտալիայի պաշտպանության նախարար Գիդո Կրոզետտոյի հետ։
Այս մասին հայտնում է ադրբեջանական «Report» կայքը՝ հղում անելով Ադրբեջանի ՊՆ-ին։
Քննարկվել են երկրների միջև ռազմական համագործակցության ներկա իրավիճակը և զարգացման հեռանկարները։ Հանդիպմանը մասնակցել է նաև Իտալիայում Ադրբեջանի արտակարգ և լիազոր դեսպան Ռաշադ Ասլանովը։
Նա հանդիպել է նաև Իտալիայի զինված ուժերի գլխավոր շտաբի պետ Ջուզեպպե Կավո Դրագոնեի հետ։ Քննարկվել են Ադրբեջանի և Իտալիայի միջև ռազմական, ռազմատեխնիկական, ռազմակրթական ոլորտներում համագործակցության զարգացման հեռանկարները և տարածաշրջանային անվտանգության հարցեր։
Добавить комментарий