300,000 ադրբեջանցիների դիմումն արդեն ՀՀ իշխանություններից ինչ որ մեկի սեղանի վրա է․ Վարդան Օսկանյան
Ադրբեջանի ամեն մի քայլ փոխվում է Արցախի հարցից. Արցախի հարցը պետք է բերել օրակարգ, դրանով հնարավոր կլինի լուծել բոլոր տեսակի խնդիրները․ այս մասին ֆեյսբուքյան իր էջում հրապարակած տեսանյութում ասել է ՀՀ նախկին արտգործնախարար, Արցախի հարցերով հանձնախմբի համակարգող Վարդան Օսկանյանը:
«Ադրբեջանի նախագահը բազմաթիվ հայտարարություններ է արել և կարծես թե ամեն ինչ ավելի հստակ է դառնում, թե ինչպիսի ցուցակ է մեր առաջ դնում Ադրբեջանի նախագահն այսպես կոչված խաղաղության պայմանագիր ստորագրելու համար: Չգիտեմ՝ խաղաղության պայմանագիրն ինչ է ենթադրում, վստահ եմ, որ այնտեղ արդեն Հայաստանի կողմից բազմաթիվ զիջումներ են արվել, կան իհարկե մեր տեսանելի զիջումները՝ Արցախի կորուստը, զոհերը, Հայաստանի տարածքի մի մասում Ադրբեջանի մխրճվելը, պայմանագրում վստահ եմ այլ զիջումներ ևս կան: Առաջին՝ պարզվում է 300,000 ադրբեջանցիների դիմումն արդեն ՀՀ իշխանություններից ինչ որ մեկի սեղանի վրա է, որից պատասխան են սպասում: Երկրորդ՝ բողոք կա, որ պետք է ԵՄ դիտորդները հեռանան, երրորդ՝ Ադրբեջանը բողոքում է, որ ինքն ուզում է արգելի, որ ՀՀ-ն կարողանա զենք գնի այլ երկրներից: Խոսում է Սահմանադրությունը փոխելուց: Չի խոսում միջանցքի մասին, նախկինում է խոսել, բայց ես կարծում եմ, որ միջանցքի պահանջը ցուցակում կա, ուղղակի Ալիևը կարիք չի զգում դրա մասին խոսել, որովհետև ինքը համարում է, որ դրա լուծումն իր համար ամենահասանելին է: Միջանցքն ամենահասանելին է Ադրբեջանի համար, նա ողղակի կմտնի և կվերցնի: Ալիևն ինքն համարում է, որ Փաշինյանը խոստացել է միջանցքը և դա արդեն իր իրավունքն է մտնել և վերցնել: Այնպես որ սա իսկապես լուրջ մտահոգության տեղիք է տալիս: Սրա հակառակ, որ ՀՀ իշխանություններն ասում են , որ միջանցքը կարմիր գիծ է ՀՀ-ի համար, բայց դա ոչինչ չի նշանակում, ընդհակառակն ինձ մտահոգում է անձամբ, Փաշինյանն ասել էր Արցախն ՀՀ է ու վերջ, հետո Արցախն ուղղակի նվիրեց Ադրբեջանին: Փաշինյանը փորձեց Ալիևի ասածներին պատասխան տալ՝ էլի պարտվողական տրամաբանությունից ելնելով: Փաշինյանն իր պատասխանով միաժամանակ 2 բան ապացուցեց, առաջինը, որ ՀՀ-ն սուվերեն պետություն չի, Փաշինյանի պատասխանը պիտի լիներ, որ դա քո գործը չի, մենք որպես սուվերեն պետություն ումից ինչ զենք ուզում ենք, գնում ենք, գնա դու քո խնդիրներով զբաղվի: Բայց նա միայն արդարացավ: Երկրորդը՝ որ նա ապացուցեց, որ այս 6 տարվա ընթացքում ինքը դիվանագիտությունից նոր բան չի սովորել: Փաշինյանի դիվանագիտական փորձը դա ձախողության փորձ է: Ինչ արել է դիվանագիտության մեջ Փաշինյանը, դա այս արդյունքներն են և շարունակվող զիջումները»,-ասել է Օսկանյանը:
Օսկանյանը վերջում եզրափակել է, որ Արցախի հարցը պետք է բերել օրակարգ. դրանով հնարավոր կլինի լուծել Ադրբեջանի հետ բոլոր տեսակի խնդիրները:
«Ադրբեջանի ամեն մի քայլ փոխվում է Արցախի հարցից, Արցախիի հարցը պետք է բերել օրակարգ, դրանով հնարավոր կլինի լուծել բոլոր տեսակի խնդիրները: Հայաստանի իշխանությունների վարած սխալ քաղաքականության արդյունքում է, որ արցախահայությունն իրենց տներից զկվել է: Նրանք պարտավոր են, պետք է բերեն հրացը օրակարգ»,- ասել է Օսկանյանը:
Ավելացնել նոր մեկնաբանություն