Արևմուտքը թքած ունի Հայաստանի ապագայի վրա. Զատուլին
Պետդումայի պատգամավոր և ԱՊՀ հարցերով հանձնաժողովի նախագահի առաջին տեղակալ Կոնստանտին Զատուլինը Газета.Ru-ի հետ զրույցում նշել է, որ Հայաստանի ղեկավարության՝ դեպի Արևմուտք թեքվելու գործընթացը բավականին երկար է ընթանում, սակայն, հատկապես նկատելի է դարձել վերջին մեկ-երկու տարում։
«Հայաստանի ներկայիս իշխանությունն իր շրջադարձը դեպի Արևմուտք արդարացնում է 2020 թվականի Ղարաբաղյան պատերազմում սեփական պարտությամբ։ Փաշինյանը մեղադրում է Ռուսաստանի ղեկավարությանը այն ժամանակ Երևանին համարժեք աջակցություն չցուցաբերելու մեջ, ինչի պատճառով էլ Հայաստանը վերջնականապես կորցրեց Ղարաբաղը։ Ըստ էության՝ այս հռետորաբանությունը պատասխանատվությունը տեղափոխում է անձամբ վարչապետից երրորդ կողմի վրա»,- նշել է պատգամավորը։
Նա ընդգծել է, որ «Հայաստանը Հարավային Կովկասում միակ երկիրը չէ, որին առաջարկվել է ստորագրել նման փաստաթուղթ»։ Նախկինում նույն համաձայնագիրը գործում էր ԱՄՆ-ի և Վրաստանի միջև, քանի դեռ Վաշինգտոնը չչեղարկեց այն վրացական իշխանություններից դժգոհության պատճառով։ Կոնստանտին Զատուլինը հիշեցրել է, որ նման իրավիճակ Ռուսաստանի և Հայաստանի երկկողմ հարաբերություններում արդեն եղել է Առաջին համաշխարհային պատերազմից հետո, երբ փլուզվեցին Օսմանյան և Ռուսական կայսրությունները։ «Հայաստանի իշխանությունները շատ էին ցանկանում անկախություն ձեռք բերել և այդ նպատակով պաշտպանության խնդրանքով դիմեցին Անտանտի երկրներին և ԱՄՆ-ին։ Սակայն այն ժամանակ էլ օգնություն չեղավ», – նշել է Զատուլինը։
Ավելացնել նոր մեկնաբանություն