Եթե Իսրայելն Իրանի դեմ որևէ քայլ ձեռնարկի, անսպասելի պատասխան կստանա. Փեզեշքիան
Իրանի Իսլամական Հանրապետության նախագահ Մասուդ Փեզեշքիանը հայտարարել է, որ Իսրայելի ռեժիմի հանցագործությունների շարունակման պատճառն Արևուտքի աջակցությունն է։ Ըստ «Դետք»-ի՝ իրանական «ParsToday» լրատվական գործակալությունը հայտնում է, որ այս մասին Փեզեշքիանն ասել է Կազանում՝ Եթովպիայի վարչապետ Աբի Ահմեդի հետ հանդիպման ժամանակ։
Փեզեշքիանը շեշտել է, որ Իրանում նախագահական մրցապայքարի մեջ մտել է երկրում համախմբվածության ու աշխարհի հետ հարաբերությունների և համագործակցության ամրապնդման նպատակով, ինչի շնորհիվ արժանացել է ժողովրդի բարեհաճությանը։ «Իմ պաշտոնավարման առաջին իսկ օրը Սիոնիստական ռեժիմը խաթարեց մեր նպատակներին հասնելու գործընթացը՝ սպանելով Իսմայիլ Հանիեին, որն Իրանում էր՝ որպես պաշտոնական հյուր»,- ասել է նա։
Իրանի նախագահի խոսքով՝ Թեհրանը ս Սիոնիստական ռեժիմի ահաբեկչական հանցագործությունների դեմ զսպվածություն է ցուցաբերել՝ հույս ունենալով, որ Գազայում հրադադար կհաստատվի, սակայն Գազայում Իսրայելի ոճրագործությունների շարունակությունը և դրանց շրջանակի ընդլայնումը դեպի Լիբանան, ստիպեցին Իրանին անարձագանք չթողնել ռեժիմի գործողությունները։
«Եթե Սիոնիստական ռեժիմը սխալվի և Իրանի դեմ որևէ գործողություն կատարի, կստանա վճռական և անսպասելի պատասխան։ Մենք չենք ցանկանում հակամարտություն և լարվածություն տարածել տարածաշրջանում և ողջունում ենք ցանկացած գործողություն՝ ուղղված խաղաղության և հաստատմանը։ Սակայն Սիոնիստական ռեժիմի գործողություններն իրականացվում են ամբողջ տարածաշրջանը կրակի մատնելու նպատակով։ Ուստի անհրաժեշտ է, որ այլ, հատկապես՝ արևմտյան երկրները, վերահսկեն ագրեսոր ռեժիմին»:
Եթովպիայի վարչապետն իր հերթին հայտարարել է, որ Իրանը Եթովպիայում լավ են ճանաչում և այդ երկրի ժողովրդի հիշողության մեջ առկա է երկկողմ հարաբերությունների ու պատմության դրական պատկեր։ «Մենք մտահոգությամբ ենք հետևում ձեր տարածաշրջանում տեղի ունեցող զարգացումներին»,- շեշտել է նա։
Ավելացնել նոր մեկնաբանություն