ԻՀՊԿ ղեկավարն Իրանի վրա հարձակման համար Իսրայելին անպատկերացնելի հետևանքներ է խոստացել
Իրանի Իսլամական հեղափոխության պահապանների կորպուսի հրամանատար Հոսեյն Սալամին խոստացել է, որ Իսրայելը «իր համար անպատկերացնելի հետևանքների» կբախվի Իսլամական Հանրապետության տարածքին հարվածներ հասցնելու համար։ Ըստ «Դետք»-ի՝ այս մասին տեղեկացնում է իրանական պետական IRNA լրատվական գործակալությունը՝ հղում անելով ԻՀՊԿ մամուլի ծառայության հաղորդագրությանը։
«Սիոնիստական արյունահեղ ռեժիմի անօրինական գործողությունները, որին երկրի հակաօդային պաշտպանությունը թույլ չտվեց հասնել իր բոլոր նպատակներին, ցույց են տալիս նրա հաշվարկների սխալն ու անզորությունը դիմադրության ուժերի դեմ պայքարում, հատկապես Գազայում և Լիբանանում։ Իհարկե, այս արարքի դառը հետևանքներն աներևակայելի կլինեն օկուպանտների համար»,- նշել է Սալամին։
Իսլամական հեղափոխության պահապանների կորպուսի ղեկավարը ցավակցություն է հայտնել իսրայելական հարվածի ժամանակ զոհված իրանցի զինվորների ընտանիքներին։
Նա միևնույն ժամանակ շնորհակալություն է հայտնել բոլոր նրանց, ովքեր մասնակցել են սիոնիստական թշնամու օդանավի վերջին ագրեսիան հետ մղելուն։
Ավելացնել նոր մեկնաբանություն