Իրանի գերագույն առաջնորդը հայտարարություն է տարածել
Իրանի գերագույն առաջնորդը հայտարարել է երկրի սկզբունքային մոտեցումները «երրորդ պարտադրված պատերազմի» և հնարավոր պատասխան գործողությունների շուրջ։
Մոջթաբա Խամենեիի պնդմամբ՝ Իրանն անպայմանորեն կարձագանքի իր վրա հարձակում գործած «հանցագործ ագրեսորներին»։ Նա տեղեկացրել է, որ Թեհրանը հետամուտ է լինելու պատճառված ամբողջ վնասի փոխհատուցմանը, ինչպես նաև վիրավորների ու հակամարտության հետևանքով թափված «նահատակների արյան» դիմաց հատուցում ստանալուն։
Բացի այդ, այաթոլան իր տելեգրամյան ալիքի միջոցով շեշտել է, որ Իրանը նպատակ ունի Հորմուզի նեղուցի կառավարումը հասցնել որակական նոր մակարդակի։ Խամենեին հատուկ ընդգծել է, որ երկիրը որևէ պարագայում չի նահանջելու իր օրինական իրավունքներից՝ հավելելով, որ «դիմադրության ճակատը» ընկալվում է որպես մեկ միասնական ամբողջություն։
Ավելացնել նոր մեկնաբանություն