Իրանում թեստավորում են «Qaher» անտեսանելի կործանիչի նոր տարբերակը
Իրանական «Qaher» («Նվաճող») անտեսանելի կործանիչի անօդաչու տարբերակը ցուցադրվել է փորձարկումների ժամանակ։ «Դետք»-ի փոխանցմամբ՝ այս մասին տեղեկացնում է իրանական կառավարամետ «Mehr» լրատվական գործակալությունը։
Իրանի ավիացիոն արդյունաբերության կազմակերպության կառավարիչ տնօրեն, Աֆշին Հաջեֆադը Պարսից ծոցի Քիշ կղզում ընթացող Իրանի 12-րդ միջազգային աերոտիեզերական ցուցահանդեսի շրջանակներում լրագրողներին տեղեկացրել է ավիացիոն արդյունաբերությունում ունեցած ձեռքբերումների մասին։
Աֆշին Հաջեֆադը հայտնել է, որ «Qaher» կործանիչը անօդաչու թռչող սարք է այն նախագծի շրջանակում, որն իրականացնում են տեղի փորձագետները։ Նա նշել է, որ «Qaher»-ի անօդաչու տարբերակը փորձարկումներ է իրականացնում։
Նշենք, որ «Qaher-313»-ը ներկայացվել է 2013 թվականի փետրվարին։ Մեկ տեղանի կործանիչը կարող է թռչել և նստել կարճ թռիչքուղում։ Գեներալը ներկայացրել է նաև տարբեր ուսումնամարզական ինքնաթիռների ստեղծման պլանները։
Ավելացնել նոր մեկնաբանություն