Կընդլայնվի Ադրբեջան-Պակիստան ռազմական համագործակցությունը
Պաշտոնական այցով Պակիստանում գտնվող Ադրբեջանի պաշտպանության նախարարի առաջին տեղակալ, բանակի գլխավոր շտաբի պետ, գեներալ-գնդապետ Քերիմ Վալիևը Կարաչիում հանդիպել է Պակիստանի ցամաքային զորքերի հրամանատար, գեներալ Ասիմ Մունիրի հետ։
Այս մասին հայտնում է ադրբեջանական Report կայքը՝ վկայակոչելով Ադրբեջանի պաշտպանության նախարարությանը։
Վելիևն ընդգծել է, որ բարեկամ և եղբայր Պակիստանի հետ համագործակցության զարգացումը բոլոր ոլորտներում, այդ թվում՝ ռազմական, գտնվում է Ադրբեջանի նախագահ, ԶՈՒ գերագույն հրամանատար Իլհամ Ալիևի ուշադրության կենտրոնում։
Հանդիպմանը նշվել է երկկողմ ռազմական համագործակցության ընդլայնման և համատեղ զորավարժությունների ինտենսիվության ավելացման կարևորությունը, ինչպես նաև նշվել է, որ երկու երկրների միջև ռազմավարական գործընկերությունը զարգանում է վերընթաց կերպով։
Հանդիպմանը քննարկվել են ռազմական ոլորտում Ադրբեջանի և Պակիստանի համագործակցությունը, ահաբեկչության դեմ պայքարի և անվտանգության հարցեր։
Ավելացնել նոր մեկնաբանություն