Լինելու է անբովանդակ մի թուղթ Փաշինյանի մասին․ Քոչարյանը՝ խաղաղության համաձայնագրի մասին
Անբովանդակ, ավելի շատ ներքաղաքական նպատակներ հետապնդող փաստաթուղթ հնարավոր է, որ լինի. ԶԼՄ-ների հետ զրույցում ասել է ՀՀ 2-րդ նախագահ Ռոբերտ Քոչարյանը` խոսելով խաղաղության համաձայնագրի մասին։
«Ակնհայտ է մուրալը մի ինչ-որ փաստաթղթի, որը ենթադրում եմ, որ խաղաղության մասին չի լինելու, այլ լինելու է մի թուղթ Նիկոլ Փաշինյանի մասին` ինչպես պետք է իր քաղաքական հեռանկարը շարունակի։ Կա ձախողված առաջնորդ, որի նպատակը ամեն գնով աթոռը պահելն է»,- ասել է Ռոբերտ Քոչարյանը՝ շեշտելով, որ ակնհայտ է՝ այդ փաստաթուղթն է դառնալու Նիկոլ Փաշինյանի՝ 2026 թվականի նախընտրական քարոզչության հիմքը։
«Սակայն հիմա խաղաղության պայմանագրի բանակցությունները, ըստ էության, կարող ենք հասկանալ, որ փակուղում են։ Տեքստը համաձայնեցված է, բայց ստորագրման մասին որևէ խոսք չկա։ Չնայած Նիկոլ Փաշինյանն ըստ էության համաձայնել է կատարել Ալիևի վերջին երկու պահանջները՝ փոխել Հայաստանի մայր օրենքը և լուծարել Մինսկի խումբը»,- նշել է Ռոբերտ Քոչարյանը։
Ավելացնել նոր մեկնաբանություն