Մենք երախտապարտ ենք մեր թուրք ընկերներին. Ալիև
Ադրբեջանում ռազմաբազա ստեղծելու Թուրքիայի ծրագրերի մասին ԶԼՄ-ներում լցոնումները քաղաքական շահարկումներ են, դրա անհրաժեշտությունը չկա:
Այդ մասին հայտարարել է Ադրբեջանի նախագահ Իլհամ Ալիևը «ՌԻԱ Նովոստի»- ին տված հարցազրույցում:
«Եթե կարճ ՝ պետք չէ։ Եթե մի փոքր մանրամասնեմ՝ հաշվի առնելով, որ ժամանակ առ ժամանակ նման տեղեկատվություն է հայտնվում որոշակի մեդիաներում, ապա պետք է ասեմ, որ դրա կարիքը չկա», – ասել է Ալիևը։
Նախագահը «տեղեկատվական լցոնումներ» է անվանել Ադրբեջանում թուրքական ռազմաբազա տեղակայելու ծրագրերի մասին հաղորդագրությունները, քանի որ այսօր «աշխարհի ոչ մի կետում ոչ մի ռազմաբազա գրեթե անհնար է թաքցնել»: Ալիևի խոսքով՝ այդ հաղորդագրությունները «քաղաքական շահարկումների» բնույթ ունեն:
«Ադրբեջանի և Թուրքիայի միջև դաշնակցային հարաբերությունների մասին Շուշիի հռչակագիրը պարունակում է կետ, որը նախատեսում է փոխադարձ ռազմական օգնություն սպառնալիքի և ագրեսիայի դեպքում», - հիշեցրել է նա։
«Սա և՛ Ադրբեջանի, և՛ Թուրքիայի պարտավորությունն է օգնության հասնել, եթե այս երկու երկրներից մեկը բախվի արտաքին սպառնալիքի, արտաքին ագրեսիայի, հետևաբար, հռչակագրի այս կետը, ըստ էության, մշտական ռազմական ենթակառուցվածքներո ստեղծումը այս կամ այն տարածքը բացարձակապես ավելորդ է դարձնում»,- պարզաբանել է նախագահը։
Ալիևը նշել է, որ երկրների միջև ավելի քան 30 տարվա ռազմական համագործակցության ընթացքում Թուրքիան և նրա ռազմական կառույցները մեծ դեր են խաղացել ադրբեջանական բանակի արդիականացման և մարտունակության, գործողությունների պլանավորման, իրավիճակի վերլուծության և ռազմական հետախուզության բարձր չափանիշներին հասցնելու գործում։ Նա ընդգծել է, որ Բաքուն Անկարայի շնորհիվ հասել է «ռազմական գործողությունների արդյունավետության բարձր աստիճանի»։
«Մենք շատ երախտապարտ ենք մեր թուրք ընկերներին նման օգնության համար»,- եզրափակել է նախագահը։
Ավելացնել նոր մեկնաբանություն