Մենք տարածաշրջանային խնդիրների լուծումները փնտրում ենք միայն տարածաշրջանի երկրների օգնությամբ. Իրանի առաջին փոխնախագահ
Իրանի առաջին փոխնախագահ Մոհամմադ Ռեզա Արեֆն ասել է, որ Իրանի Իսլամական Հանրապետությունը տարածաշրջանային խնդիրների լուծումները փնտրում է միայն տարածաշրջանի երկրների օգնությամբ։ Նա այս մասին ասել է Ռուսաստանի Դաշնության փոխվարչապետ Ալեքսեյ Օվերչուկի հետ հանդիպմանը:
Այս մասին հայտնում է ԻՌՆԱ-ն:
Նա ընդգծել է, որ Թեհրանի արտաքին քաղաքականության առաջնահերթությունը հարևան երկրների, այդ թվում՝ Ռուսաստանի հետ հարաբերությունների զարգացումն է:
Արեֆի խոսքով՝ Օվերչուկը շեշտել է էներգետիկայի, տրանսպորտի և տարանցման ոլորտներում երկկողմ համագործակցության խորացման և ընդլայնման անհրաժեշտությունը և շարունակել. «Մենք կարծում ենք, որ Իրանի և Ռուսաստանի տնտեսությունները կարող են լրացնել միմյանց»։
Ավելացնել նոր մեկնաբանություն