Թրամփը «հետաձգել է Իրանի վրա հարձակումը», որը պիտի տեղի ունենար վաղը
ԱՄՆ նախագահ Դոնալդ Թրամփը հայտարարել է, որ պատրաստվում էր վերսկսել Իրանի վրա հարձակումները, սակայն մտափոխվել է՝ ընդառաջելով արաբական մի շարք պետությունների առաջնորդների խնդրանքին։
Ըստ Թրամփի՝ Կատարի էմիրը, Սաուդյան Արաբիայի թագաժառանգը և Արաբական Միացյալ Էմիրությունների նախագահը համոզել են նրան հետաձգել հարձակումը։
Ինչպես Թրամփը գրել է TruthSocial սոցցանցի իր էջում, դաշնակից երկրների առաջնորդները խնդրել են նրան «հետաձգել Իրանի Իսլամական Հանրապետության վրա հարձակումը», որը պիտի տեղի ունենար վաղը։
«Վերոնշյալ առաջնորդների նկատմամբ հարգանքից ելնելով՝ հանձնարարել եմ պաշտպանության նախարար Փիթ Հեգսեթին, Միացյալ շտաբների պետերի միացյալ կոմիտեի նախագահ գեներալ Դանիել Քեյնին և Միացյալ Նահանգների զինված ուժերին, որ մենք չենք իրականացնի վաղվա համար նախատեսված հարձակումն Իրանի վրա, բայց նաև հանձնարարել եմ նրանց ցանկացած պահի պատրաստ լինել Իրանի վրա լիարժեք հարձակման, եթե չհաջողվի հասնել ընդունելի համաձայնագրի»,- հավելել է նա։
Ավելացնել նոր մեկնաբանություն