Թուրքիան ակնկալում է, որ Ադրբեջանի և Հայաստանի միջև բանակցությունները կավարտվեն Խաղաղության համաձայնագրով

Թուրքիան ակնկալում է, որ Ադրբեջանի և Հայաստանի միջև բանակցություններում նկատելի դրական միտումը կհանգեցնի Խաղաղության համաձայնագրի կնքմանը։

Այս մասին ասվում է Թուրքիայի նախագահ Ռեջեփ Թայիփ Էրդողանի նախագահությամբ տեղի ունեցած Անվտանգության խորհրդի նիստի հայտարարության մեջ:

Նշվել է նաև, որ Հարավային Կովկասում հնարավոր խաղաղությունը ձեռնտու կլինի տարածաշրջանային բոլոր  խաղացողներին։

Բացի դրանից, հանդիպմանը քննարկվել է իրավիճակը Արևելյան Եվրոպայում և Մերձավոր Արևելքում։