Թուրքիայի և Ադրբեջանի արտգործնախարարները կքննարկեն նաև հայ–ադրբեջանական հարաբերությունները
Ադրբեջանի արտգործնախարար Ջեյհուն Բայրամովը օգոստոսի 27-ին կմեկնի Թուրքիա։
Այս մասին տեղեկություն է տարածել Թուրքիայի արտաքին գործերի նախարարությունը։
Բայրամովը Թուրքիա մեկօրյա այցի շրջանակում Թուրքիայի արտգործնախարար Հաքան Ֆիդանի հետ հանդիպման ժամանակ կքննարկի Բաքվի և Երևանի միջև խաղաղության գործընթացը։ Անդրադարձ կլինի երկկողմ հարաբերություններին և տարածաշրջանային հարցերին, Ադրբեջանի ու Հայաստանի միջև խաղաղության գործընթացին, ինչպես նաև Անկարայի և Երևանի միջև հարաբերությունների կարգավորմանը։
Տեղեկության մեջ նշվում է, որ քննարկվելու են նաև Իսրայելում և Պաղեստինում տեղի ունեցող իրադարձությունները։
Նկարը՝ արխիվից
Ավելացնել նոր մեկնաբանություն