ԱՄՆ-Իրան բանակցությունները կարող են տեղի ունենալ այս շաբաթվա վերջին Պակիստանում. Գրոսսի
ԱՄՆ-ի և Իրանի միջև բանակցությունները կարող են տեղի ունենալ այս շաբաթավերջին Իսլամաբադում։ Այս մասին հայտարարել է Ատոմային էներգիայի միջազգային գործակալության (ԱԷՄԳ) գլխավոր տնօրեն Ռաֆայել Գրոսսին «Corriere della Sera» թերթին տված հարցազրույցում։
«Կարծում եմ, որ այս հանգստյան օրերին բանակցությունները կարող են տեղի ունենալ Պակիստանի Իսլամաբադ քաղաքում: Դրանք ավելի լայն կլինեն և կվերաբերեն ոչ միայն միջուկային էներգետիկային, հակամարտության սկսման պատճառներին։ Այս անգամ սեղանին կլինեն նաև հրթիռներ հարցը, Իսլամական Հանրապետության դաշնակիցների աշխարհազորայինների, Իրանի անվտանգության երաշխիքների հարցերը»,- ասել է Գրոսսին։
Ըստ նրա՝ ամերիկացիները պնդում են զրոյական հարստացման վրա և շատ խիստ են տրամադրված այդ հարցով։
«Իրանի համար կարևոր է պաշտպանել միջուկային ինքնավարության սկզբունքը։ Բայց այդ հարցով պայմանավորվածությունը հնարավոր է։ Կարելի է մտածել ժամանակավոր կասեցման մասին։ Կան այլընտրանքային դիվանագիտական ծրագրեր, որոնք թույլ կտան որպես լուծում, որն ասում է, որ ներկայումս այլևս հարստացում չի լինի, քանի որ քաղաքական, ռազմական և վստահելիության իրավիճակը դա թույլ չի տալիս և, սկզբունքորեն, հինգ կամ տասը տարի անց վերագնահատել այս հարցը»,- ընդգծել է նա։
Գրոսսին նաև հայտնել է, որ վերջին հարվածները Իրանի միջուկային օբյեկտներին վճռորոշ վնաս չեն հասցրել։
Ըստ տեղեկությունների՝ ԱՄՆ-ն Պակիստանին ներկայացրել է 15 կետից բաղկացած առաջարկ՝ Իրանի հետ կարգավորման համար, և Պակիստանը միջնորդի դեր է խաղացել այս ծրագրի ներկայացման գործում։
Ավելացնել նոր մեկնաբանություն