ԱՄՆ-Իրան համաձայնագիրը կստորագրվի հունիսի 19-ին Շվեյցարիայում. Պակիստանի վարչապետ
ԱՄՆ-ի և Իրանի միջև համաձայնություն է ձեռք բերվել, փաստաթղթի ստորագրման պաշտոնական արարողությունը տեղի կունենա հունիսի 19-ին Շվեյցարիայում: Այս մասին հայտնել է Պակիստանի վարչապետ Շահբազ Շարիֆը:
«Երկու կողմերն էլ հայտարարել են բոլոր ճակատներում, այդ թվում՝ Լիբանանում, ռազմական գործողությունների անհապաղ և մշտական դադարեցման մասին:
Պաշտոնական ստորագրման արարողությունը տեղի կունենա հունիսի 19-ին Շվեյցարիայում։ Մենք կցանկանայինք շնորհակալություն հայտնել Ամերիկայի Միացյալ Նահանգներին և Իրանի Իսլամական Հանրապետությանը հակամարտությանը դիվանագիտական լուծում գտնելու իրենց նվիրվածության համար։ Համաձայնագրի կնքումից հետո միջնորդները այս շաբաթ կանցկացնեն մի շարք հանդիպումներ։ Այս նախնական քննարկումները հիմք կդնեն տեխնիկական բանակցությունների և պաշտոնական ստորագրման արարողության համար»,-գրել է Շարիֆը։
Ավելացնել նոր մեկնաբանություն