Այսօր Բեռլին են գրավnւմ, Շուշին են հետ բերում, ո՞ւմ երեխեքի կյանքի հաշվին, մենք խաղաղության ենք պատրաստ. Սարիկ Մինասյան
Մարդիկ այսօր Բեռլին են գրավում, Շուշին են հետ բերում, ո՞ւմ երեխեքի կյանքի հաշվին, այստեղ մարդ կա՞, որ պատրաստ է պատերազմի: Այս մասին Գյումրիում քարոզարշավի ժամանակ լրագրողների հետ զրույցում ասել ՔՊ-ի քաղաքապետի թեկնածու Սարիկ Մինասյանը՝ անդրադառնալով հարցին, թե ինչ նկատի ուներ, երբ հայտարարել էր՝ չենք կռվել, դրա համար է Արցախը հանձնվել:
«Մենք պատրաստ ենք խաղաղության, միայն խաղաղություն ունենալով` մենք կունենանք զարգացող, կայուն, ուժեղ պետություն, առանց խաղաղության մենք ոչինչ չենք ունենալու։ Խոնարհվում եմ մեր հերոսների առաջ, ես ասել եմ, որ ես չեմ կռվել, և յուրաքանչյուր հայ տղամարդ թող խիզախություն ունենա, ինքն էլ խոստովանի, կարո՞ղ էր ավելին անել ու չի արել, դա է եղել իմ ասածի իմաստը»,- ասաց նա:
Մինասյանը նշեց, որ իրեն ճանաչողները գիտեն, որ ամեն շաբաթ զոհվածների ծնողների հետ հանդիպում է, նրանց բարձրացրած խնդիրները լուծել է: «Ես այն մարդը չեմ, որ այդ արած աշխատանքը տեսախցիկների և լրագրողների միջոցով անեմ: Նշեմ, որ Արցախից գյումրեցիներին հայի ու թուրիք բաժանողներn այդ ինն ուժերից մեկի առաջին համարը Թուրքիայի կացության քարտ ունի, թող տղամարդկություն ունենա հայտարարի: Ես հայտարարում եմ՝ այդքան տղա է, քաղաքում բոլորը գիտեն՝ Թուրքիայի կացության քարտ ունի, դիմել է քաղաքացիություն ստանալու»,- ասաց նա` չհստակեցնելով, թե խոսքն ում մասին է և նշեց, որ շուտով կիմանան, թե ով է:
![«Ապագայում անգամ ամենադրական սցենարի դեպքում կկարողանանք գտնել ճիշտ մոդել, որպեսզի եվրոպացի դիտորդների հետ շարունակենք [համագործակցությունը]»,- ասաց նախարարի տեղակալը:](/sites/default/files/styles/news_img_style_for_teaser_374_233/public/2025-03/l-0x0wh-786x458z-1_0.jpeg.webp?itok=Gmyy2Nmr)
Ավելացնել նոր մեկնաբանություն