Բաքվում բանտարկված Կարեն Ավանեսյանի փաստաբանները պատրաստվում են մարտին Եվրոպական դատարան ուղարկել փաստաթղթերի նոր փաթեթ
ՀՀ առողջապահության նախարարությունը Ադրբեջանում դատապարտված Կարեն Ավանեսյանի գործով տրամադրել է գրություն, ոչ թե փաստաթուղթ։ Sputnik Արմենիայի հետ զրույցում այս մասին ասաց միջազգային իրավունքի մասնագետ, Ավանեսյանի շահերի պաշտպան Արա Ղազարյանը։
Ստացված տվյալները ամբողջական չեն, քանի որ հիմնական բժշկական փաստաթղթերը շարունակում են մնալ Ադրբեջանի վերահսկողության տակ` Ստեփանակերտում:
Նշենք, որ արցախցիների բռնի տեղահանումից հետո Ստեփանակերտում մնացած վերջին բնակիչներից մեկը՝ Կարեն Ավանեսյանը, 2025-ի դեկտեմբերին Ադրբեջանում 16 տարվա ազատազրկման է դատապարտվել` ահաբեկչության և առանձնապես ծանր այլ հանցագործությունների մեղադրանքով։ Նա առողջական խնդիրներ ունի, որի մասին Ադրբեջանը լռում է, իսկ ՀՀ ԱՆ–ն, բժշկական գաղտնիքից ելնելով, որևէ տեղեկություն չէր տրամադրում։
«Այդ գրությունը կարող է ծառայել որպես նախնական ապացույց՝ ցույց տալու համար, որ առողջական խնդիրների վերաբերյալ մտահոգությունները հիմնավորված են։ Մենք միջնորդել ենք Եվրոպական դատարանին, որպեսզի ամբողջական ապացույցները պահանջի Ադրբեջանից՝ Եվրոպական կոնվենցիայի 34-րդ հոդվածի հիման վրա։ Այդ հոդվածով պետությունը պարտավոր է ներկայացնել իր տրամադրության տակ գտնվող ապացույցները։ Եթե պետությունը հրաժարվում է դրանք տրամադրել, դա արդեն առանձին խախտում է համարվում»,- ընդգծեց իրավաբանը։
Ավելին՝ սկզբնաղբյուր կայքում:
Ավելացնել նոր մեկնաբանություն