Գերմանիայի ռազմականացումը կարող է ազգայնականության պատճառ դառնալ Եվրոպայում. Foreign Affairs
Գերմանիայի կողմից պաշտպանական ինքնավարության մղումը կարող է թուլացնել ԱՄՆ ազդեցությունը ԵՄ–ում, բայց դա կարող է նաև խախտել ուժերի հավասարակշռությունը մայրցամաքում և խթանել ազգայնական տրամադրությունները: Այս մասին գրել է Foreign Affairs ամսագիրը։
Ինչպես նշվել է, Դոնալդ Թրամփի՝ Սպիտակ տուն վերադառնալուց հետո Գերմանիան «պատրաստվում է մի ապագայի, որում ԱՄՆ–ն այլևս Եվրոպային անվտանգության հուսալի երաշխիքներ չի տրամադրի»։
Այդ նպատակով՝ Գերմանիայի կառավարությունը որոշել է չեղարկել պարտքի սահմանափակումները, որոնք հետ էին պահում բյուջեի ծախսերը: Սա դուռ կբացի ռազմական ծախսերի ավելացման համար՝ անկախ Վաշինգտոնի աջակցությունից:
Հրատարակությունը նշել է, որ Գերմանիայի ռազմական ներուժի ուժեղացումը կարող է լուրջ հետևանքներ ունենալ Եվրոպայի համար։ Վերազինումը Բեռլինին անկախ որոշումներ կայացնելու հնարավորություն կտա, և գերմանական հզոր բանակը կարող է խախտել ԵՄ–ում ուժերի փխրուն հավասարակշռությունը և հանգեցնել ազգայնականության աճի նրա հարևանների և ապագայում հենց Գերմանիայի ներսում: Հրապարակումը ենթադրում է, որ եթե «նորացված Գերմանիայում» իշխանության գան արմատական քաղաքական գործիչներ, նրանք կարող են փորձել վերանայել երկրի սահմանները կամ դիմել «ռազմական շանտաժի»։
Մարտի 22-ին Գերմանիայի նախագահ Ֆրանկ–Վալտեր Շտայնմայերը ստորագրել է օրենքը, որը թուլացնում է, այսպես կոչված, պարտքի արգելակը պաշտպանական ծախսերի աճի ֆինանսավորման նկատմամբ: Օրնքը թույլ է տալս նաև 500 միլիարդ եվրո արժողությամբ հատուկ ենթակառուցվածքային հիմնադրամ ստեղծել: Փորձագետները այս ֆինանսական փաթեթը գնահատում են որպես պատմական, քանի որ ընդհանուր ներդրումները կարող են կազմել 1-ից մինչև 1,5 տրիլիոն եվրո:
© Հոդվածը թարգմանել է ABC MEDIA -ն
Ավելացնել նոր մեկնաբանություն