Իրան-ԱՄՆ. ինչ են հաղորդում ԶԼՄ–ները Վաշինգտոնի հնարավոր հարվածների մասին, և ինչ հայտարարություններ են արվում միջազգային մակարդակով
▪️Թրամփը կոչ արեց ամերիկացիներին և ԱՄՆ դաշնակիցներին լքել Իրանը: Նա նաև «հաղթանակ» որակեց Իրանի դեմ իր գործողությունների նպատակը՝ առանց մանրամասնելու, թե ինչ նկատի ունի, բայց որպես օրինակ բերեց Վենեսուելայում ԱՄՆ գործողությունները: Ամերիկացի առաջնորդի խոսքով՝ Իրանում բողոքի ցույցերին «զգալի թվով» զոհեր են եղել:
▪️«Washington Post»-ը, հղում անելով եվրոպացի պաշտոնյաներին, հայտնում է, որ Թրամփի վարչակազմը եվրոպական երկրներից հետախուզական տվյալներ է խնդրել Իրանի դեմ հնարավոր հարվածների համար: Սակայն այդ հարվածները հավանաբար ուղղված չեն լինի միջուկային օբյեկտներին. ավելի հավանական է, որ ԱՄՆ-ն կուղղորդի դրանք բողոքի ցույցերի ընթացքում բռնության համար պատասխանատուների կողմ:
▪️Politico-ն, հղում անելով աղբյուրներին, հաղորդում է, որ ԱՄՆ-ի՝ Իրանի վրա ուժ գործադրելու կարողությունը զգալիորեն սահմանափակ է: Հրատարակության համաձայն` Մերձավոր Արևելքում տեղակայված ամերիկյան ռազմանավերը և անձնակազմը վերաբաշխվել են Կարիբյան ավազան:
▪️Ռուսաստանի արտաքին գործերի նախարարությունը իրադարձությունները անվանել է «միջազգային իրավական նորմերի ապամոնտաժում»: Սա Արևմուտքի բացարձակ անօրինական ճնշման մասին է ՝ ինչպես քաղաքական, այնպես էլ գործնական, այսինքն՝ պատժամիջոցային, հայտարարել Է Մարիա Զախարովան ։
Ավելի վաղ Իրանը կոչ էր արել ՄԱԿ-ի Անվտանգության խորհրդին դատապարտել բռնության հրահրումը և ուժի կիրառման սպառնալիքները Միացյալ Նահանգների կողմից։
Ավելացնել նոր մեկնաբանություն