Իսրայելի վերջին հարձակմանն Իրանի արձագանքը կլինի ճիշտ ժամանակին. Արաղչի
Իրանի Իսլամական Հանրապետության արտաքին գործերի նախարար Աբբաս Արաղչին հայտարարել է, որ Իսրայելի վերջին հարձակմանը իրանական արձագանքը կլինի ճիշտ ժամանակին։
Ըստ «Դետք»-ի՝ տեղեկությունը հայտնում է իրանական պետական IRNA լրատվական գործակալությունը։
Հաղորդվում է, որ Իսլամաբադում իր պակիստանցի գործընկեր Մուհամմադ Իսհակ Դարի հետ համատեղ մամուլի ասուլիսի ժամանակ Աբբաս Արաղչին հայտարարել է` Իրանը, ի տարբերություն Իսրայելի, լարվածության չի ձգտում:
«Սակայն Իրանը ժամանակին կպատասխանի սիոնիստական ռեժիմի ագրեսիայի ակտին»,- շեշտել է նա՝ նկատի ունենալով հոկտեմբերի 26-ին իսրայելական հարձակումը, որի հետևանքով զոհվեցին իրանցի չորս զինվոր և քաղաքացիական մեկ անձ:
Ավելացնել նոր մեկնաբանություն