Իրանը ցուցադրել է սեփական արտադրության «Հեյդար» և «Շաֆաղ» տեսակի հրթիռները
Իրանի Իսլամական Հանրապետության ավիացիոն ուժերը ցուցադրել են իրանական արտադրության «Հեյդար» թևավոր և «Շաֆաղ» ծանր հակատանկային հրթիռները։
Ինչպես հաղորդում է իրանական «Mehr» լրատվական գործակալությունը, նշված հրթիռները ցուցադրվել են Իրանի բանակի ավիացիայի վերջին ձեռքբերումների ցուցահանդեսում։
Հաղորդվում է, որ ցուցահանդեսը բացվել է կիրակի առավոտյան։ Ցուցահանդեսին ներկա են գտնվել Իսլամական հեղափոխության առաջնորդի բարձրագույն ռազմական խորհրդական Յահյա Ռահիմ Սաֆավին, Իրանի ցամաքային զորքերի հրամանատար Կիումար Հեյդարին և բարձրաստիճան այլ զինվորականներ։
Նշվում է, որ այս ցուցահանդեսում ցուցադրվել է տարբեր ոլորտներում Իրանի բանակի ավիացիայի հնարավորությունների միայն մի մասը։ Ցուցադրված «Հեյդար» և «Շաֆաղ» ծանր հակատանկային հրթիռներն Իրանի զինված ուժերի վերջին խոշոր ձեռքբերումներից են։
Ավելացնել նոր մեկնաբանություն