Էրդողանի խոսնակը հորդորել է դադարեցնել Ուկրաինայում կռիվները
«Ուկրաինայում արյունահեղությունը պետք է դադարեցվի, իսկ հետո խաղաղ բանակցություններ սկսվեն»,- այս մասին ասվում է Թուրքիայի նախագահի խոսնակ Իբրահիմ Քալընի հայտարարության մեջ։
«Եկեք առավելագույն ջանքեր գործադրենք Ուկրաինայում պատերազմը դադարեցնելու համար։ Այս պատերազմի շարունակությունը և դրա շրջանակների ընդլայնումը սպառնում են վերածվել համաշխարհային աղետի։ Կարևոր է դադարեցնել պատերազմը և գերադասել դիվանագիտությունը»,- նշված է ուղերձում։
Քալընն ասել է, որ Թուրքիան և անձամբ նախագահ Ռեջեփ Թայիփ Էրդողանը պատրաստ են դերակատարում ունենալ այս հարցում։
«Պատերազմը շարունակելու փոխարեն եկեք կարգավորենք երեք-հինգ տարվա խաղաղ բանակցությունների տարբերակով։ Մենք կքննարկենք երկխոսությունն առաջ մղելու հնարավորությունները՝ հաշվի առնելով ներկա իրավիճակը»,- հավելել է թուրք պաշտոնյան։
Ավելացնել նոր մեկնաբանություն