Ֆինլանդիան և Շվեդիան ստորագրել են զրահապատ մեքենաների մատակարարման վերաբերյալ համաձայնագիր
Ֆինլանդիան հայտարարել է, որ համաձայնագիր է ստորագրել Շվեդիայի հետ զրահապատ մեքենաների մատակարարման վերաբերյալ։
Ֆիննական լրատվամիջոցների տեղեկության համաձայն՝ երկու երկրների միջև համատեղ զրահամեքենաների համակարգի ռազմավարական գործընկերությունն իրականացվել է Ֆինլանդիայի պաշտպանության ուժերի նյութատեխնիկական ապահովման հրամանատարության և Շվեդիայի պաշտպանության նյութերի վարչության կողմից։
Ըստ տեղեկատվության՝ երկու երկրների միջև ստորագրված համաձայնագիրը կնվազեցնի անհրաժեշտ ռազմական մեքենաների ու նյութերի ձեռքբերման բյուջետային ծախսերը և կավելացնի երկու երկրների համատեղ ռազմական մատակարարումները։
Համաձայնագրի համաձայն՝ երկու երկրները ձեռք կբերեն ցամաքային համակարգեր, որոնք կարող են ներառել մարտավարական զրահատեխնիկա և թեթև մեքենաներ։ Դրանց մեջ կմտնեն ձնագնացներ, մարտական տանկեր, հետևակի մարտականմեքենաներ, հիմնական մարտական տանկեր, բեռնատարներ, շարժական նռնականետներ և այլ շարժական հրետանային համակարգեր։
Ավելացնել նոր մեկնաբանություն