«Anatolian Phoenix 2023» զորավարժություններում կատարվել են գործնական առաջադրանքներ

Քոնյա քաղաքում անցկացված «Anatolian Phoenix 2023» միջազգային որոնողափրկարարական զորավարժություններում կատարվել են գործնական առաջադրանքներ։

Ինչպես հայտնում է ադրբեջանական APA լրատվական գործակալությունը, մասնակիցներին անհրաժեշտ տեղեկություն է տրվել անվտանգության կանոնների, կատարվելիք առաջադրանքների և դրանց կատարման հաջորդականության, տեղանքի և կլիմայի մասին, որտեղ կիրականացվեն որոնողափրկարարական աշխատանքները:

Դասընթացում առաջադրված խնդիրների հիմնական նպատակն է կատարելագործել զինծառայողների գիտելիքներն ու հմտությունները, ինչպես նաև ապահովել մասնակից երկրների զինվորականների միջև փոխըմբռնումը և փորձի փոխանակումը։