Ռուս-ուկրաինական պատերազմ. այս շաբաթվա ամփոփումը
- Ուկրաինական բանակը ռուսական ուժերից հետ է գրավել հարավ-արևմուտքում գտնվող Ստարոմայորսկե գյուղը, ասել է պաշտպանության փոխնախարար Հաննա Մալիարը։ «Դոնեցկի մարզում գտնվող Ստարոմայորսկեն ազատագրվել է»,- գրել է նա «Տելեգրամում»:
- Գիշերվա ընթացքում Ռուսաստանը հրթիռային հարձակմամբ հարվածել է Ուկրաինայի Օդեսայի մարզի նավահանգստային ենթակառուցվածքին, որի հետևանքով զոհվել է անվտանգության աշխատակիցը, և վնասվել բեռների տերմինալը, հայտնել է շրջանի նահանգապետը: Օդեսայի նավահանգիստները եղել են ռուսական հարձակումների կանոնավոր թիրախներ անցած շաբաթ Սևծովյան հացահատիկի նախաձեռնությունից Մոսկվայի դուրս գալուց հետո:
- Ռուսաստանի նախագահ Վլադիմիր Պուտինը տեղեկացրել է Ուկրաինայի ունեցած զոհերի մասին Զապորոժիեի շրջանի վրա հարձակումից հետո, տեղեկացնում է ՏԱՍՍ լրատվական գործակալությունը։ Պուտինը թղթակիցներին հայտնել է, որ ռուսական ուժերը սպանել են 200-ից ավելի մարդ. «Ցավոք, մենք ևս զոհերից անմասն չմնացինք, բայց տարբերությունն ահռելի է. երբեմն, ավելի քան 10 անգամ, մեր կորուստներն ավելի քիչ են, քան թշնամունը»:
- Պուտինն ասել է, որ Ուկրաինան ուժեղացրել է առաջնագծում հարձակումներն անցյալ մի քանի օրերին, երբ բազմաթիվ լրատվամիջոցներ վկայակոչում էին Միացյալ Նահանգների անանուն պաշտոնյաներին, որոնք պնդում էին, որ Կիևը սկսել է իր հակահարձակման նոր փուլը: Ըստ արևմտյան և ուկրաինացի պաշտոնյաների ու վերլուծաբանների՝ Ուկրաինան փորձում է դուրս բերել ռուսական ուժերը երկրի հարավ-արևելքից:
Ավելացնել նոր մեկնաբանություն