Ադրբեջանը և Ուզբեկստանը համատեղ զորավարժություններ կանցկացնեն Տաշքենդում

Ադրբեջանի և Ուզբեկստանի պաշտպանության նախարարությունների միջև 2023 թվականի երկկողմ համագործակցության պլանի համաձայն՝ «UZAZ-2023» համակարգչային աջակցությամբ մարտավարական հրամանատարաշտաբային վարժանք կանցկացվի Տաշքենդի Չիրչիկ ռազմաբազայում։

Այս մասին, «Դետքի» հաղորդմամբ, հայտնում է ադրբեջանական APA լրատվական գործակալությունը՝ հղում անելով Ադրբեջանի պաշտպանության նախարարությանը։   

Զորավարժություններին մասնակցելու նպատակով ադրբեջանական բանակի մի խումբ զինծառայողներ այցով գտնվում են Ուզբեկստանում։

Ուզբեկստան-Ադրբեջան համատեղ զորավարժության ընթացքում զինծառայողները կվարժվեն հատուկ ռազմական գործողություններ կազմակերպելու և վարելու թեմաներով։