Դեռևս տեղեկություններ չկան, թե երբ կկայանա Ադրբեջանի և Հայաստանի արտգործնախարարների հանդիպումը
«Բաքվի և Երևանի միջև բանակցությունների գործընթացն այժմ շարունակվում է։ Այս պահին նոր հանդիպումների մասին տեղեկություն չկա»,- ասել է Ադրբեջանի ԱԳՆ պաշտոնական ներկայացուցիչ Այխան Հաջիզադեն Բելգիայի արտաքին գործերի նախարար Հադիջա (Հադջա) Լաբիբի հետ համատեղ ասուլիսում։
Այս մասին, «Դետքի» հաղորդմամբ, հայտնում է ադրբեջանական «Report» կայքը։
Նշենք, որ հուլիսի 25-ին Մոսկվայում կայացել է Ադրբեջանի և Հայաստանի արտաքին գործերի նախարարների վերջին հանդիպումը։
Հիշեցնենք, որ Հայաստանի վարչապետ Նիկոլ Փաշինյանն օգոստոսի 24-ին Կառավարության նիստին ասել էր, որ Հայաստանը նոր առաջարկներ է արել Ադրբեջանին խաղաղության համաձայնագրի ստորագրման վերաբերյալ։
Ավելացնել նոր մեկնաբանություն