Կողմերը պատրաստ են վերադառնալ Վաշինգտոն՝ շարունակելու երկխոսությունը. «Թուրան» գործակալություն
«Թուրան» գործակալության Վաշինգտոնի թղթակիցը, վկայակոչելով Պետդեպարտամենտի երկու բարձրաստիճան պաշտոնյայի, հաղորդում է, որ հայ-ադրբեջանական կարգավորման գործընթացում «կողմերը պատրաստ են վերադառնալ Վաշինգտոն երկխոսությունը շարունակելու համար»։ Պաշտոնյաները նշել են, որ Բայդենի վարչակազմն արդեն մի քանի տարի փորձում է գտնել հակամարտության արդարացի, հարատև և կայուն լուծումը, և այդ գործընթացը չի ընդհատվել։
«ԱՄՆ-ն շատ հստակ հասկացրել է, որ խաղաղության հասնելու առաջին քայլը Ղարաբաղում հումանիտար իրավիճակի լուծումն է։ Մենք շատ անհանգստացած ենք այնտեղ ստեղծված իրավիճակով և կենտրոնացել ենք՝ բոլոր հնարավոր միջոցներով լուծելու այն»,- ասել է Պետդեպարտամենտի բարձրաստիճան պաշտոնյան՝ նշելով, որ վերջին օրերին ԱՄՆ-ն բանակցություններ է վարել բոլոր մակարդակներով։
Ավելացնել նոր մեկնաբանություն