Բայրամովը և Դոքերթին հեռախոսազրույց են ունեցել
Ադրբեջանի ԱԳ նախարար Ջեյհուն Բայրամովը և Մեծ Բրիտանիայի եվրոպական հարցերով նախարար Լեո Դոքերթին հեռախոսազրույց են ունեցել։
Այս մասին, «Դետքի» հաղորդմամբ, հայտնում է ադրբեջանական APA գործակալությունը՝ հղում անելով Ադրբեջանի ԱԳՆ-ին։
Հեռախոսազրույցի ընթացքում քննարկվել են երկու երկրի միջև համագործակցության օրակարգը, ինչպես նաև տարածաշրջանում տիրող իրավիճակը։
Բայրամովը նշել է, որ տարածաշրջանում իբր «էթնիկ զտումների» մասին հայկական կողմի պնդումներն իրականությանը չեն համապատասխանում, և որ Ադրբեջանը միջոցներ է ձեռնարկել հայ բնակիչներին հասարակությանը վերաինտեգրելու համար։
Նա ընդգծել է, որ Ադրբեջանն իբր հավատարիմ է Հայաստանի հետ երկկողմ հարաբերությունների կարգավորմանն ու «խաղաղության» գործընթացին։
#Դետքի_հետագծով
Ադրբեջանը շարունակում է Արցախում հայաթափումը և ցեղասպան գործողությունները, բայց զուգահեռ հայտարարում «խաղաղության» գործընթացի և հարաբերությունների կարգավորման մասին։
Ավելացնել նոր մեկնաբանություն