Ադրբեջանցի պատգամավորն ապակառուցողական է որակել Հայաստանի գործունեությունը
«Հարավկովկասյան տարածաշրջանում կայուն խաղաղության և անվտանգության հաստատման ուղղությամբ Ադրբեջանի ձեռնարկած քայլերի ֆոնին Հայաստանը շարունակում է իր ապակառուցողական գործունեությունը և փորձում է միջազգային իրավական մեխանիզմներ կիրառել Ադրբեջանի դեմ»,- Ադրբեջանի խորհրդարանի (Միլլի մեջլիս) նիստում ասել է պատգամավոր Նիզամի Սաֆարովը։
Այս մասին, «Դետքի» հաղորդմամբ, հայտնում է ադրբեջանական APA լրատվական գործակալությունը։
Հիշեցնենք, որ սեպտեմբերին Հայաստանը դիմել է ՄԻԵԴ` Ադրբեջանի նկատմամբ միջանկյալ միջոց կիրառելու պահանջով։ Սաֆարովին անհանգստացրել է այս փաստը, որն անտրամաբանական է անվանել։
#Դետքի_հետագծով
Ադրբեջանի ձեռնարկած քայլերը միայն նպատակ են հետապնդում խարխլելու տարածաշրջանային կայունությունը և ուժի միջոցով հասնելու իրենց առջև դրված խնդիրների լուծմանը։ Ադրբեջանը ցեղասպան գործողությունների ֆոնին շարունակում է բարձրաձայնել տարածաշրջանում կայունություն հաստատելու մասին։
Ավելացնել նոր մեկնաբանություն