Ադրբեջանի պաշտպանական ներուժի հզորացմանը կհատկացվի 3 մլրդ մանաթ
«Ադրբեջանի պաշտպանական ներուժի հզորացմանը կհատկացվի 3 մլրդ մանաթ»,- նշված է Ադրբեջանի ֆինանսների նախարարության 2024 թվականի պետական և ընդհանուր բյուջեների նախագծերի մեջ։
Այս մասին, «Դետքի» հաղորդմամբ, հայտնում է ադրբեջանական «Report» կայքը։
Ադրբեջանի պաշտպանական ներուժի ամրապնդման և զինված ուժերի նյութատեխնիկական բարելավման նպատակով պետբյուջեի կապիտալ ծախսերից 3 մլրդ մանաթի չափով միջոցներ են նախատեսվում հատուկ պաշտպանական նախագծերի և միջոցառումների ֆինանսական աջակցության համար։
#Դետքի_հետագծով
Հիշեցնենք, որ մայիսին նշվել էր՝ Ադրբեջանի 2023-ի պետբյուջեն պաշտպանության և ազգային անվտանգության միջոցառումների ֆինանսավորման համար նախատեսում է 5․3 մլրդ մանաթ կամ պետական բյուջեի ծախսերի 16 տոկոսը:
Ալիևը նշել էր, որ այս տարվա պետբյուջեում լրացումներ կկատարվեն, մի զգալի մասը կրկին նախատեսված կլինի պաշտպանական նպատակներով։
Ավելացնել նոր մեկնաբանություն