Իսրայելա-պաղեստինյան հակամարտությունը պետք է լուծվի «երկու պետության» սկզբունքի հիման վրա. Բայրամով
Մենք աջակցում ենք իսրայելա-պաղեստինյան հակամարտության լուծմանը՝ հիմնված երկու պետության սկզբունքի վրա, միջազգային իրավական նորմերին և ՄԱԿ-ի համապատասխան բանաձևերին համապատասխան։
«Report»-ի հաղորդմամբ՝ Ադրբեջանի արտգործնախարար Ջեյհուն Բայրամովն այս մասին ասել է Սաուդյան Արաբիա գործուղման շրջանակում արաբա-իսլամական համատեղ գագաթնաժողովում ունեցած ելույթի ժամանակ։
Նա նաև ընդգծել է գործողություններից զերծ մնալու կարևորությունը, որոնք կարող են սրել ներկա իրավիճակը։ Ադրբեջանցի պաշտոնյան ընդգծել է, որ այս ուղղությամբ միջազգային հանրության բոլոր ջանքերը պետք է մոբիլիզացվեն։
Ավելացնել նոր մեկնաբանություն