Բաքուն հրաժարվել է մասնակցելուց Ադրբեջանի և Հայաստանի արտգործնախարարների հանդիպմանը Վաշինգտոնում
Բաքուն հրաժարվել է նոյեմբերի 20-ին Վաշինգտոնում Հայաստանի և Ադրբեջանի ԱԳ նախարարներ Արարատ Միրզոյանի և Ջեյհուն Բայրամովի հանդիպումից:
Այս մասին, «Դետքի» հաղորդմամբ, հայտնում է ադրբեջանական «Report» կայքը՝ հղում անելով Ադրբեջանի ԱԳՆ-ին։
«ԱՄՆ-ի նման միակողմանի մոտեցումը կարող է հանգեցնել միջնորդական դերի կորստի։ Այս պայմաններում կարևոր է նշել, որ հնարավոր չենք համարում Ադրբեջանի և Հայաստանի ԱԳ նախարարների մակարդակով առաջարկվող հանդիպման անցկացումը Վաշինգտոնում»,- ասվում է հաղորդագրության մեջ։
Նշվել է, որ իբրև միջազգային իրավունքի նորմերը և սկզբունքները միշտ առաջնահերթ են եղել Ադրբեջանի արտաքին քաղաքականության մեջ, ինչպես նաև որ Ադրբեջանը վճռականորեն և համարժեք պատասխան կտա բոլոր այն բացասական քայլերին, որոնք հակասում են իր ազգային շահերին։
#Դետքի_հետագծով
Ադրբեջանը հրաժարվում է արևմտյան հարթակներում բանակցելուց, ինչպես, օրինակ, Գրանադայի և Բրյուսելի հանդիպումների չեղարկումը։ Ադրբեջանը փորձում է դանդաղեցնել գործընթացը՝ պարբերաբար անհիմն մեղադրելով Հայաստանին խաղաղության պայմանագրի ստորագրումը խոչընդոտելու մեջ։
Ավելացնել նոր մեկնաբանություն