Ֆրանսիան խոչընդոտում է Հարավային Կովկասում կայունությունը․ Ալիև
«Ֆրանսիան ապակայունացնում է ոչ միայն իր նախկին և ներկա գաղութները, այլ նաև Հարավային Կովկասը և աջակցում է անջատողականներին», - այս մասին նշել է Իլհամ Ալիևը Բաքվում «Ապագաղութացում, կանանց հզորացում» թեմայով միջոցառման մասնակիցներին ուղղված ուղերձում։
Այս մասին, «Դետքի» հաղորդմամբ, հայտնում է ադրբեջանական APA լրատվական գործակալությունը։
Ալիևը նշել է, թե իբրև Հայաստանին զինելով` Ֆրանսիան վարում է ռազմատենչ քաղաքականություն, խրախուսում է ռևանշիստական ուժերին, հող է նախապատրաստում տարածաշրջանում նոր պատերազմների համար։
«Միևնույն ժամանակ Ֆրանսիան չարաշահում է ՄԱԿ-ի անվտանգության խորհրդի մշտական անդամի կարգավիճակը՝ կողմնակալ, ոչ օբյեկտիվ քաղաքականություն իրականացնելու համար և փորձում է օգտագործել արևմտյան կազմակերպությունները որպես ճնշման միջոց»,- նշել է նա։
#Դետքի_հետագծով
Ադրբեջանում ակտիվ հակաֆրանսիական քարոզչություն է տարվում, որի պատճառներից մեկը Ֆրանսիայի հայտարարություններն են։ Ադրբեջանն այսկերպ փորձում է ցույց տալ, որ տարածաշրջանում իբրև միայն Ադրբեջանն է կայունության հաստատման ջատագովը։
Ավելացնել նոր մեկնաբանություն