Ադրբեջանի և Վրաստանի պաշտպանության նախարարությունների միջև ստորագրվել է երկկողմ ռազմական համագործակցության ծրագիր
Նոյեմբերի 27-ին Բաքվում երկկողմ հանդիպում է կայացել Ադրբեջանի պաշտպանության նախարար Զաքիր Հասանովի և Վրաստանի պաշտպանության նախարար Ջուանշեր Բուրչուլաձեի միջև։
Այս մասին հայտնում է Ադրբեջանի պաշտպանության նախարարությունը։
Հանդիպմանը քննարկվել են երկու երկրների միջև ռազմական համագործակցության զարգացման հեռանկարները, մտքեր են փոխանակվել համատեղ զորավարժությունների ինտենսիվության բարձրացման շուրջ։
Կողմերը քննարկել են տարածաշրջանում խաղաղության և անվտանգության ապահովման, ռազմական, ռազմատեխնիկական, ռազմակրթական ոլորտներում համագործակցության զարգացման հեռանկարները, ինչպես նաև փոխադարձ հետաքրքրություն ներկայացնող այլ հարցեր։
Հանդիպումից հետո Ադրբեջանի և Վրաստանի պաշտպանական գերատեսչությունների միջև ստորագրվել է 2024 թվականի երկկողմ ռազմական համագործակցության ծրագիրը։
Ավելացնել նոր մեկնաբանություն