Ադրբեջանի արտաքին գործերի նախարարությունն արձագանքել է հայկական կողմի հայտարարությանը ականների քարտեզներ ներկայացնելու մտադրության մասին
ՀՀ Ազգային անվտանգության ծառայությունը հայտարարել էր ադրբեջանական կողմին ականապատ տարածքների վերաբերյալ վերջերս հայտնաբերված տվյալները փոխանցելու մտադրության մասին։
Ադրբեջանի արտաքին գործերի նախարարությունն արձագանքել է Հայաստանի Ազգային անվտանգության ծառայության 2024 թվականի հունվարի 25-ի հայտարարությանը:
Այս մասին, «Դետքի» հաղորդմամբ, հայտնում է ադրբեջանական APA լրատվական գործակալությունը:
Ադրբեջանի ԱԳՆ-ն հայտարարել է.
- Չնայած այս քարտեզները ցույց են տալիս, որ մեր տարածքներում թաղված է 400 հազար ական, սակայն իրականում փաստ կա, որ ականների թիվը 1 միլիոնից ավելի է։
- Հայկական կողմի այս հայտարարությունը ցույց է տալիս, որ նպատակը մարդասիրական գործընթացին նպաստելը չէ, և այդ քայլը չի կարող դիտարկվել որպես վստահության կառուցման միջոց։ Ադրբեջանական կողմն ակնկալում է, որ Հայաստանը կներկայացնի բոլոր ականապատ տարածքների ճշգրիտ քարտեզները, որոնք մինչ օրս չէին ներկայացվել:
- Դրա հետ մեկտեղ պետք է հրատապ միջոցներ ձեռնարկվեն վերջին 30 տարիների ընթացքում անհայտ կորած ադրբեջանցիների ճակատագրի, ինչպես նաև նրանց զանգվածային գերեզմանների տեղի վերաբերյալ տեղեկատվության փոխանցման ուղղությամբ։
Ավելացնել նոր մեկնաբանություն