ԱՄՆ-ի աջակցությունն Իսրայելին, ձախողումից բացի, այլ բան չի բերի․ Աբդոլլահիան
Իրանի Իսլամական Հանրապետության արտաքին գործերի նախարար Հոսեյն Ամիր Աբդոլլահիանը Լիբանանում հայտարարել է, որ ԱՄՆ-ի աջակցությունն Իսրայելին և այդ երկրի վարչապետ Բենիամին Նեթանյահուին ոչ մի արդյունքի չի հանգեցնի՝ ձախողումից բացի։ Ըստ «Դետք»-ի՝ այս մասին հայտնում է իրանական կառավարամետ «Mehr» լրատվական գործակալությունը։
Հաղորդվում է, որ Աբդոլլահիանը Բեյրութ է ժամանել ուրբաթ երեկոյան։ Ավելի ուշ նա մասնակցել է լիբանանցի գործընկերոջ հետ համատեղ մամուլի ասուլիսին։
Իրանի գլխավոր դիվանագետը շեշտել է, որ Գազայում ճգնաժամի սկզբից Թեհրանը հայտարարել է, որ «պատերազմը լուծում չէ»։ Նրա խոսքով՝ իսրայելական վարչակարգը ձգտում է, որպեսզի ԱՄՆ-ն խեղդվի Արևմտյան Ասիայի ճահճում։
«Մենք ընդգծում ենք, որ ԱՄՆ-ն պետք է շտապ դադարեցնի աջակցությունն Իսրայելի վարչակարգին, որը երեխաներ է սպանում»,- եզրափակել է նա։
Ավելացնել նոր մեկնաբանություն