Սիրիայի արևելքում ամերիկյան բազան հրթիռակոծվել է
Սիրիայի արևելքում գտնվող Դեյր էր Զոր նահանգում գտնվող Կոնիկո գազային հանքավայրում տեղակայված ամերիկյան բազան հրթիռակոծվել է։ Ըստ «Դետք»-ի՝ այս մասին հայտնում է սիրիական պետական SANA լրատվական գործակալությունը։
Հաղորդվում է, որ չորս հրթիռ ընկել է Կոնիկո դաշտում գտնվող բազայի տարածքում։ Միջադեպի հետևանքվ հրդեհ է բռնկվել, բազայի հարավային մասում կրակի սյուն է բարձրացել։
Հրթիռակործության հետևանքով զոհերի ու վիրավորների մասին տվյալներ հայտնի չեն։
Նշենք, որ պաղեստինա-իսրայելական հակամարտության սրման սկզբից ի վեր Իրաքում գտնվող ամերիկյան բազաները, ինչպես նաև Սիրիայում գտնվող նրա զորքերը պարբերաբար ենթարկվում են հարձակումների։ Ահաբեկչությունների պատասխանատվությունը ստանձնել են Իրաքում գործող զինված շիա խմբավորումները։
#Դետքի_հետագծով
Ներկայումս ԱՄՆ-ի զինված ուժերը վերահսկում են Սիրիայի արևելյան և հյուսիսարևելյան շրջանները՝ Դեյր էր Զոր, Ալ-Հասաքա և Ռաքքա նահանգներում, որտեղ գտնվում են նավթի և գազի ամենամեծ հանքավայրերը։ Սիրիայի կենտրոնական կառավարությունն իր հերթին փորձում է վերականգնել իր հսկողությունն այս շրջանների նկատմամբ և տարբեր խմբավորումների աջակցությամբ պարբերաբար հրթիռակոծում է ամերիկյան բազաները։
Ավելացնել նոր մեկնաբանություն