Բաքուն կրկին Փարիզին «ապակառուցողական գործունեության» մեջ է մեղադրել
Ադրբեջանը անհիմն է որակել ԱՄՆ պետքարտուղարի հետ համատեղ ասուլիսի ժամանակ Ֆրանսիայի արտգործնախարարի հնչեցրած մեղադրանքները և կոչ է անում Փարիզին «դադարեցնել ապակառուցողական գործունեությունը»:
Այս մասին ասված է Ադրբեջանի ԱԳՆ հայտարարությունում:
«Այս ամենը տարածաշրջանում ակնհայտ լարվածություն ստեղծելու և խաղաղ գործընթացը խոչընդոտելու Ֆրանսիայի ջանքերի հերթական ակնհայտ օրինակներից է»,- նշվում է հայտարարությունում:
Բաքվի պնդմամբ՝ «ադրբեջանական հողերը գրեթե 30 տարի օկուպացիայի տակ պահած Հայաստանը որպես խաղաղասեր երկիր ներկայացնելը վկայում է, թե որքան կեղծ էր Ֆրանսիայի վարած քաղաքականությունը թե՛ նրա միջնորդության շրջանում, թե՛ 44-օրյա պատերազմից հետո»:
Ադրբեջանի ԱԳ նախարարությունն անթույլատրելի է համարում «Հայաստանին լայնորեն վերազինող և տարածաշրջանում միլիտարիզմը խրախուսող» Ֆրանսիայի կողմից Բաքվին ագրեսիվ հռետորաբանության մեջ մեղադրելը:
Ավելացնել նոր մեկնաբանություն