Իրանը պատրաստ է իր խաղաղ ատոմային տեխնոլոգիան փոխանցել այլ երկրների

Իրանի Իսլամական Հանրապետության ատոմային էներգիայի կազմակերպության ղեկավար Մոհամմադ Էսլամին հայտարարել է, որ Թեհրանը պատրաստ է իր խաղաղ ատոմային տեխնոլոգիան փոխանցել այլ երկրների։ Ըստ «Դետք»-ի՝ տեղեկությունը հաղորդում է իրանական պետական IRNA լրատվական գործակալությունը։

Էսլամին շեշտել է, որ Սպահանի համաժողովն այդ նպատակին հասնելու միջոցներից մեկն է։ «Նպատակը մեր տեխնոլոգիական և գիտական ​​մակարդակը ցույց տալն է»,- ասել է նա։

Իրանցի պաշտոնյան հայտնել է, որ առաջիկա երկու ամսվա ընթացքում Սպահանում կբացվի միջուկային առաջին միջազգային կրթական կենտրոնը․ «Իրանը, ինչպես և ՄԱԳԱՏԷ-ի մյուս անդամ երկրները, վճռականորոն միտված է միջուկային տեխնոլոգիաների զարգացմանը: Մինչև 2050 թվականն ածխածնի արտանետումները զրոյական մակարդակի հասնելու՝ երկրների հավաքական կամքն այսօր վերածվել է դաշնագրի, և նրանք նպատակադրվել են եռապատկել ատոմակայանները: Միաժամանակ ակտիվացնելու ենք մեր ջանքերը ատոմային էներգետիկայի և միջուկային արդյունաբերության հասնելու համար»:

Մոհամմադ Էսլամին հավելել է, որ Իրանը նախատեսում է մինչև 2041 թվականը էլեկտրաէներգիայի արտադրությունը հասցնել 20 հազար մեգավատտի. այդ ծրագրերն իրականացվում են երկրի հյուսիսում և հարավում։