«Զանգեզուրի միջանցքը» կարող է Հայաստանը դուրս բերել մեկուսացումից. Էլչին Էմիրբեյով
«Ինչպես նշված է 2020 թվականի հրադադարի հայտարարության մեջ, Զանգեզուրի տարածքից կարող են կառուցվել համատեղ ճանապարհ և երկաթուղի»,- այս մասին գերմանական «ZEIT» թերթին տված հարցազրույցում ասել է Ադրբեջանի նախագահի հատուկ հանձնարարությունների գծով ներկայացուցիչ Էլչին Էմիրբեյովը։
Նա նշել է, որ այս միջանցքով Հայաստանը կարող է դուրս գալ մեկուսացումից, գանձել տարանցման վճարներ և բարելավել հարաբերությունները Թուրքիայի հետ։
Ինչ վերաբերում է Հայաստանի կողմից այս առաջարկը մերժելու հնարավորությանը, ադրբեջանցի պաշտոնյան նշել է, որ Իրանով կարելի է կառուցել ճանապարհ և երկաթուղի, որն ընդամենը տասը կիլոմետր երկար կլինի այսպես կոչված «Զանգեզուրի միջանցքից»։
Էմիրբեյովը անհեթեթ է համարել հայերի մտահոգությունները։
Թերթի հրապարակած նյութում ասվում է, որ «Հայաստանի տարածքով անցնող ցամաքային շերտի երկարությունը կազմում է ընդամենը 34 կիլոմետր, և այն բաժանում է Ադրբեջանն իր էքսկլավից՝ Նախիջևանից»։ Պատերազմի հավանականության մասին հարցին ի պատասխան` Է. Էմիրբեյովն ընդգծել է, որ դա ընդհանրապես չի լինի. նրա խոսքով` երկրների միջև ռազմական անձնակազմի փոխանակումը նույնպես դրական միտում է, որը նաև ծառայում է Բաքվի և Երևանի միջև վստահության ամրապնդմանը։
Ավելացնել նոր մեկնաբանություն