Հայաստանում Ֆրանսիայի ներդրած ռազմական քայլերը տարածաշրջանային անհանգստություն են առաջացրել. ադրբեջանական լրատվական
Ֆրանսիական և հայկական լրատվամիջոցները, ինչպես նաև սոցիալական ցանցերը լայնածավալ արշավ են սկսել Հայաստանում ֆրանսիական «խաղաղապահ» ուժեր տեղակայելու գաղափարը քարոզելու համար։ «Le Point» թերթը տեղեկություն է հրապարակել, ըստ որի՝ Փարիզի քաղաքապետ Անն Իդալգոն, քաղաքական գործիչ Լորան Վուկեսը, փիլիսոփաներ Էլիզաբեթ Բադենտերը և Ռոժե-Պոլ Դրոյը հարյուրավոր այլ ֆրանսիացի հայաֆիլների հետ կոչ են արել Ֆրանսիայի նախագահ Էմանուել Մակրոնին զորք ուղարկել Հայաստան։ Նրանք խնդրում են օգնություն տրամադրել Հայաստանին ադրբեջանական ագրեսիայի ֆոնին և երախտագիտություն հայտնում ուղարկված զենքի ու հայ զինվորականների պատրաստության համար։
Ըստ «Դետքի»՝ այս մասին գրում է ադրբեջանական «caliber.az» լրատվականը:
Հայտնի է դարձել նաև, որ Ֆրանսիայի և Հայաստանի միջև պայմանագիր է կնքվել ինքնագնաց հրետանային CAESAR ստորաբաժանումների մատակարարման վերաբերյալ։ Այս համակարգերի մատակարարումը, որոնք ունեն մահացու և հարձակողական նպատակ, միայն կավելացնի լարվածությունը տարածաշրջանում։ Չնայած ադրբեջանական կողմի նախազգուշացումներին՝ Ֆրանսիան շարունակում է իր ապակառուցողական քաղաքականությունը Հարավային Կովկասում՝ խաթարելով Հայաստանի և Բաքվի Հանրապետության (խմբ.) միջև հարաբերությունների կարգավորմանն ուղղված ջանքերը։
Ֆրանսիայի ռազմական ակտիվությունն ու սպառնալիքները Բաքվին
Ֆրանսիայի ակտիվությունը Հարավային Կովկասում կարող է ունենալ ավելի խոր ռազմավարական նպատակներ, քան պարզապես Հայաստանին աջակցելը։ Ֆրանսիական «խաղաղապահ» ուժերի տեղակայումը և Հայաստանի տարածքում ռազմաբազայի հնարավոր ստեղծումը լուրջ վտանգ են ներկայացնում ոչ միայն Բաքվի Հանրապետության (խմբ.), այլև Ռուսաստանի, Իրանի և Թուրքիայի համար։ Սակայն այս համատեքստում մենք կկենտրոնանանք Բաքվի (խմբ.) ազգային շահերին սպառնացող վտանգի վրա։
Ի՞նչ նշանակություն կարող է դա ունենալ Բաքվի Հանրապետության (խմբ.) համար։ Զենքի մատակարարումն ու ռազմակայանի հնարավոր տեղակայումը կարող են խաթարել Բաքվի և Երևանի միջև խաղաղության հասնելու բոլոր ջանքերը: Հայաստանում կարող են գլուխ բարձրացնել ռևանշիստական տրամադրությունները, և Ֆրանսիայի աջակցությամբ Հայաստանի ղեկավարությունը կարող է սխալմամբ կարծել, որ Հայաստանը բավական ուժեղացել է, որպեսզի կրկին փորձի օկուպացնել ադրբեջանական տարածքները: Սա իր հերթին անկայունության նոր ալիք կստեղծի տարածաշրջանում։
Նման գործողություններն արդարացիորեն մտահոգիչ են, քանի որ Հայաստանին հարձակողական զենք մատակարարելն ուղղակիորեն սպառնում է Բաքվի Հանրապետության (խմբ.) անվտանգությանը։ Ակնհայտ է դառնում Ֆրանսիայի ղեկավարության կեղծավորության ընդգծված դրսևորումը, որը նախկինում պնդում էր, թե մատակարարվող զենքը բացառապես պաշտպանական բնույթ է կրում
Ավելացնել նոր մեկնաբանություն