Իլհամ Ալիևը մասնակցում է Մյունխենի անվտանգության 59-րդ համաժողովին
Փետրվարի 17-ից 19-ը Գերմանիայում տեղի է ունենալու Մյունխենի անվտանգության 59-րդ միջազգային համաժողովը: Իլհամ Ալիևը մեկնել է Գերմանիա՝ մասնակցելու համաժողովին:
Փետրվարի 17-ին Ադրբեջանի նախագահ Իլհամ Ալիևը Մյունխենում հանդիպել է Իսրայելի պաշտպանության նախարար Յոավ Գալանտի հետ:
«Ադրբեջանի և Իսրայելի միջև հարաբերությունները բարեկամական և գործընկերային բնույթ են կրում, ինչպես նաև զարգանում են պաշտպանության և ռազմատեխնիկական ոլորտներում»,- նշել է Իլհամ Ալիևը:
Իլհամ Ալիևը նաև հանդիպում է ունեցել Եվրոպական խորհրդի նախագահ Շառլ Միշելի հետ: Հանդիպման ընթացքում նրանք քննարկել են Երևանի ու Բաքվի միջև հարաբերությունների կարգավորումը, «խաղաղության» պայմանագրի շուրջ բանակցությունները և Բրյուսելյան խաղաղության պայմանագիրը:
«ԵՄ-ն կշարունակի ջանքեր գործադրել Հայաստանի ու Ադրբեջանի միջև հարաբերությունների կարգավորման, խաղաղության պայմանագրի, Հարավային Կովկասում անվտանգության ու կայունության շուրջ»,- նշել է Շ. Միշելը:
Ավելացնել նոր մեկնաբանություն