Իսրայելը կօգնի Ուկրաինային ստեղծել հրթիռային հարվածների նախազգուշացման համակարգ
Ռուսաստանի Դաշնության արտաքին գործերի նախարարության մամուլի խոսնակ Մարիա Զախարովան հայտարարել է, որ Ուկրաինայի ճգնաժամի հարցում Ռուսաստանի և Իսրայելի դիրքորոշումների տարբերությունը չի խանգարում երկու երկրներին մի շարք ոլորտներում շարունակել համագործակցությունը։ Ինչպես հաղորդում է ռուսական ՏԱՍՍ լրատվական գործակալությունը, Զախարովան այս մասին ասել է իր ամենշաբաթյա մամուլի ասուլիսի ժամանակ։
«Ես ընդգծում եմ, որ կոնկրետ այս հարցի կապակցությամբ մենք էական տարաձայնություններ ունենք: Միևնույն ժամանակ, դա չի խանգարում մեզ շարունակել արդյունավետ համագործակցությունը փոխադարձ հետաքրքրություն ներկայացնող այլ հարցերի շուրջ, ինչպես նաև կառուցողական և վստահելի երկխոսությունն Ուկրաինայի հակամարտության կարգավորման շուրջ»,- ասել է Զախարովան։
Ռուսաստանի ԱԳՆ խոսնակը շեշտել է, որ Մոսկվան դիվանագիտական ուղիներով պարբերաբար իր մտահոգությունները փոխանցում է իսրայելցի գործընկերներին և հրապարակայնորեն մեկնաբանում այս հարցը։
«Թեմաների մեծ մասի շուրջ մեզ հաջողվում է ըմբռնումի հասնել այն ավանդական բարեկամական հարաբերությունների ոգով, որոնք ձևավորվել են մեր երկրների միջև»,- եզրափակել է նա։
Ավելացնել նոր մեկնաբանություն