Փաշինյանն ու Ալիևը կպարգևատրվեն «Զայեդ» մարդկային եղբայրության մրցանակով
Արաբական Միացյալ Էմիրությունների (ԱՄԷ) հեղինակավոր Շեյխ Զայեդ հիմնադրամը հայտարարել է «Մարդկային եղբայրության համար Զայեդ» մրցանակի 2026 դափնեկիրների անունները։
Ըստ APA-ի, այս մրցանակի դափնեկիրների թվում է Ադրբեջանի Հանրապետության նախագահ Իլհամ Ալիևը։
Այս մասին հայտարարվել է Շեյխ Զայեդ հիմնադրամի պաշտոնական կայքում։ Հայտարարության մեջ նշվում է, որ մրցանակը շնորհվել է «Ադրբեջանի Հանրապետության և Հայաստանի Հանրապետության միջև խաղաղության և միջպետական հարաբերությունների հաստատման մասին համաձայնագրի» նախաստորագրման համար, որը վերջ դրեց Կովկասում երկարատև հակամարտությանը և հումանիտար աղետին։
Զայեդի մարդկային եղբայրության մրցանակի ժյուրիի անդամ և գլխավոր քարտուղար Մոհամեդ Աբդուսալամն ասել է. «Այս տարի Զայեդի մարդկային եղբայրության մրցանակի կոմիտեն ընտրել է Հայաստանի և Ադրբեջանի միջև պատմական խաղաղության պայմանագիրը:
Այս պայմանագիրը մարմնավորում է մրցանակի առաքելությունն ու նպատակները՝ խթանել և զարգացնել երկխոսության և համակեցության մշակույթը:
Այն համարվում է համաշխարհային խաղաղության առաջխաղացման կարևորագույն հանգրվան և դիվանագիտական խոշոր նվաճում»:
Նշենք, որ ՀՀ վարչապետ Նիկոլ Փաշինյանը ևս կստանա այս մրցանակը։
Ավելացնել նոր մեկնաբանություն