ՌԴ-ի և ՀՀ-ի ղեկավարները մշատական կապի մեջ են, բազմակողմանի քաղաքական երկխոսությունը շարունակվում է. ՌԴ ԱԳՆ
ՌԴ-ի և ՀՀ-ի ղեկավարները մշտական կապի մեջ են, բազմակողմանի քաղաքական երկխոսությունը շարունակվում է:
Այս մասին ճեպազրույցում հայտնել է ՌԴ ԱԳՆ պաշտոնական ներկայացուցիչ Մարիա Զախարովան:
Նա հիշեցրել է, որ ՀՀ վարչապետն ընդունել է Հայրենական մեծ պատերազմում տարած հաղթանակի 80-ամյակի կապակցությամբ Մոսկվա այցելելու հրավերը, երկու երկրների ԱԳ նախարարներները, ինչպես նաև ԱԳ փոխնախարարները կառուցողական և արդյունավետ երկխոսություններ են վարել, գործում են միջկառավարական և միջխորհրդարանբական մեխանիզմները:
Զախարովայի խոսքով՝ տնտեսական կապերը ևս զարգանում են. նախորդ տարի ապրանքաշրջանառությունը ռեկորդ է սահմանել՝ հասնելով գրեթե 12 մլրդ դոլարի:
«Կարծում եմ՝ Երևանում զգում են ԵԱՏՄ-ին մասնակցելու պրակտիկ օգուտը», - ասել է ՌԴ ԱԳՆ պաշտոնական ներկայացուցիչը:
Միևնույն ժամանակ նա ընդգծել է, որ, իհարկե, կան լուծում չստացած պահեր:
«Մենք այդ հարցերը քննարկում ենք և հուսով եմ՝ լուծումներ կգտնվեն», - ասել է ՌԴ ԱԳՆ պաշտոնական ներկայացուցիչը:
Ավելացնել նոր մեկնաբանություն