Ռուսաստանից Ադրբեջանի տարածքով Հայաստան է տեղափոխվել 408 տոննա պարարտանյութ
Այսօր Ռուսաստանից Հայաստան պարարտանյութի հերթական խմբաքանակն է անցել Ադրբեջանի տարանցիկ ճանապարհով։ Ըստ ԱՊԱ-ի՝ Բիլյաջարի կայարանից Բոյուկ-Քյասիկի ուղղությամբ ուղարկվել է վեց վագոն՝ 408 տոննա պարարտանյութով։
Մինչ օրս Ռուսաստանից Հայաստան Ադրբեջանի միջոցով տեղափոխվել է ավելի քան 33,000 տոննա հացահատիկ, ավելի քան 7,000 տոննա պարարտանյութ, 133 տոննա ալյումին, 68 տոննա հնդկացորեն և 414 տոննա անտրացիտ։
Նշենք, որ տարանցիկ ճանապարհից բացի, Ադրբեջանը նաև նավթամթերք է արտահանում Հայաստան։ Մինչ օրս Ադրբեջանը Հայաստան է արտահանել ավելի քան 14,000 տոննա դիզելային վառելիք և ավելի քան 4,000 տոննա AI-92 և AI-95 բենզին։
Ավելացնել նոր մեկնաբանություն