Ցամաքային սահմանով Ադրբեջան է ժամանել 20 հոգանոց հայկական պատվիրակություն
Ապրիլի 10-12-ը «Խաղաղության կամուրջ» նախաձեռնության շրջանակներում Ադրբեջանում կկայանա Ադրբեջանի և Հայաստանի քաղաքացիական հասարակության ներկայացուցիչների մասնակցությամբ հաջորդ երկկողմ կլոր սեղանը. հայտնում են ադրբեջանական լրատվամիջոցները։
Հայկական պատվիրակությունը Ադրբեջան է մտել ցամաքային սահմանով՝ սահմանազատված և սահմանազատված տարածքով, և անցել է սահմանային և անձնագրային վերահսկողության բոլոր համապատասխան ընթացակարգերը։
Հանդիպման օրակարգում են խաղաղության գործընթացի ներկա վիճակը, «Խաղաղության կամուրջ» նախաձեռնության մասնակիցների կողմից իրենց երկրներում ձեռք բերված գործունեությունը և արդյունքները, ինչպես նաև տարածաշրջանում ստեղծված իրավիճակի քննարկումը։
Հ.Գ.: ՀՀ օրվա գործող իշխանությունը անդադար քարոզում է Ադրբեջանի հետ բարիդրացիական հարաբերությունների հաստատման մասին` որպես օրինակ բերելով Ադրբեջանի տարածքով Հայաստան եկող բեռնափոխադրումները և քաղհասարակության ներկայացուցիչների փոխադարձ այցելությունները։
Բայց Ադրբեջանի քաղաքականությանը քիչ թե շատ ծանոթ լինելով` կարող ենք պնդել, որ Բաքուն ամենևին էլ բարեկամաբար չի տրամադրված Հայաստանի հանդեպ, ինչի մասին են վկայում ամենաբարձր մակարդակով մշտապես արվող հայտարարությունները, հայերին պարբերաբար թշնամի անվանելը, Հայաստանի սուվերեն տարածքը որպես ադրբեջանական պատմական հող ներկայացնելը, օկուպացված հայկական տարածքներից հետ չքաշվելը և այլն։
Իշխանական քարոզչամեքենան այսկերպ փորձում է ընտրություններին ընդառաջ ապացուցել հայ հասարակությանը, որ խոստացված բաղձալի խաղաղությունը արդեն իրականություն է։
Ուշագրավ է այն փաստը, որ հայկական ազգանունով մի խումբ մեկնում է Բաքու Ադրբեջանի կողմից իրականացված Մարաղայի ջարդերի հերթական տարելիցի օրը։
Ավելացնել նոր մեկնաբանություն